Vel heppnuðum þemadögum er lokið. Síðustu tvo daga hefur andi Hogwarts skóla svifið yfir Glerárskóla sem umbreyttist í skóla galdra og seyða.
Þetta var í fjórða skipti sem þemadagar, kenndir við Harry Potter, eru haldnir. Hefðbundið skólastarf er hvílt þessa daga en þess í stað glíma nemendur við margvíslegar þrautir og leiki þar sem hugur, hönd og heilbrigði, einkunnarorð skólans eiga vel við.
Nemendum Glerárskóla er skipt niður á heimavistirnar fjórar: Gryffendor, Slytherin, Hufflepuff og Ravenclaw. Gefin eru stig fyrir ástundun, hegðum og framkomu og í þetta skiptið báru krakkarnir í Slytherin sigur úr býtum. Við óskum þeim innilega til hamingju.
Margir nemendur skólans hafa óskað eftir uppskriftinni að smákökunum sem bakaðar voru þessa daga, hana er að finna í hér.