Foreldrasamstarf:
Við leggjum áherslu á að foreldrar tali jákvætt um skólann og starfsfólkið sem þar vinnur. Ef ykkur mislíkar eitthvað, vantar upplýsingar eða eruð óánægð þá talið við okkur í skólanum.
Börn líta upp til foreldra sinna og tileinka sér viðhorf þeirra til mála án þess að skilja alltaf hvað um er að vera. Neikvæð umræða um skólann heima gerir barninu erfitt fyrir að umgangast starfsfólkið.
J Á K V Æ Ð I R F O R E L D R A R – J Á K V Æ Ð B Ö R N
Í Glerárskóla eru foreldraviðtöl tvisvar á ári með formlegum hætti. Umsjónarkennarar boða þá forráðamenn og nemendur í viðtal þar sem farið er yfir vitnisburð nemenda og önnur mál sem snerta nemandann eru rædd.
Að hausti eru haldnar kynningar fyrir forráðamenn þar sem umsjónarkennarar fara yfir áætlun skólaársins auk þeirra áherslna sem skólinn starfar eftir.