Glerárskóli

Sími: 461 2666
Skrifstofan er opin virka daga á starfstíma skólans
frá 07:45 til 15:00, frá mánudegi til fimmtudags en frá 07:45 til 14:00 á föstudögum.
Í fríum nemenda er skrifstofan opin virka daga frá 10:00 til 12:00.

Skóladagatal

Facebook síða Glerárskóla

Öryggisáætlun

Við Glerárskóla er starfandi öryggisnefnd sem hugar að öryggismálum nemenda og starfsmanna. Öryggisnefnd er skipað þremur starfsmönnum auk stjórnanda, fundar reglulega, heldur fundargerðir og hugar að húsnæði, umhverfi og viðbragðsáætlunum fyrir skólann.

Öryggisnefnd Glerárskóla skipa:

Anna Sigríður Halldórsdóttir kennari – öryggistrúnaðarmaður

Árný Jónsdóttir stuðningsfulltrúi

Eyrún Skúladóttir skólastjóri – fulltrúi stjórnenda

Ómar Örn Jónsson húsvörður – öryggisvörður

 

Viðbragðsáætlanir.

Öryggishandbók Glerárskóla tekur á þáttum í starfsumhverfi skólans sem snúa að öryggi og heilsu starfsmanna. Einnig er fjallað um aðgerðir gegn einelti, kynferðislegri áreitni, kynbundinni áreitni og ofbeldi á vinnustöðum, um jafna stöðu og jafnan rétt kvenna og karla. Öryggishandbókin fjallar um vinnuverndarstarf, vinnuaðstæður og félagslega þætti, efnislega þætti, líkamsbeitingu og annað það er máli skiptir varðandi vinnuvernd.

Þar er einnig að finna rýmingaráætlun skólans, viðbrögð við áföllum, viðbrögð við vá og veikindafaraldri, viðbrögð við óveðri og viðbrögð við eldgosi og jarðskjálftum. Ábyrgð á viðbragðsáætlunum eru eftirfarandi:

Ábyrgð:

  • Húsvörður sér um að sýna nýjum starfsmönnum slökkvitæki og útgönguleiðir
  • Húsvörður sér um að allar útgönguleiðir séu færar
  • Húsvörður ber ábyrgð á að slökkvitæki séu yfirfarin á hverju ári
  • Allir starfsmenn bera jafna ábyrgð á að rýma húsnæðið
  • Kennari/forfallakennari ber ábyrgð á sínum umsjónarbekk á svæði bekkjarins þegar búið er að rýma skólahúsnæðið
  • Kennarar/forfallakennarar skulu merkja við nöfn nemenda þegar út er komið.
  • Matráður og skólaliðar vakta útganga og láta starfsfólk í íþróttahúsi og sundlaug vita.
  • Deildarstjórar halda utan um uppröðun og skipulag úti, auk þess að vera með starfsmannalista. Taka gjallarhornið með sér í fatahengi starfsmanna.
  • Skólastjóri/ritari fá upplýsingar hjá deildarstjórum um hvort allir nemendur hafi skilað sér á sitt útisvæði og koma upplýsingum til slökkviliðs.