Það er nákvæmlega ekkert skemmtilegra en leika sér úti þegar sólin skín og borða síðan nýgrillaða pylsu með tómatsósu, sinnepi og hvaðeina.
Í dag var leikjadagur. Nemendur á yngsta stigi fóru í Kvenfélagslundinn góða og þar settu kennarar upp margvíslegar leikjastöðvar sem reyndu pínulítið á bæði kraft, þrótt, útsjónarsemi og samvinnu.
Miðstigið lék sér í Seljagarðinum þar sem einnig voru margvíslegar þrautir og leikir. Nemendur á elsta sigi voru á skólalóðinni og kepptu á Glerárleikunum sem er grafalvarleg keppni. Keppnin hefur aldrei verið eins jöfn og í ár, að sögn elstu manna en hún fór þannig að 8SLB vann!