Nemendur úr 7.-10. bekk Glerárskóla fengu að vinna með Catharine Owens, bandarískri vísinda- og listakonu um daginn. Catharine er um þessar mundir í gestavinnustofu Listasafnsins á Akureyri þar sem hún vinnur að stórum veggmyndum af sjávardýrum sem verða fyrir áhrifum plastmengunar. Krakkarnir unnu með henni hluta af 25 m² veggmynd af hval
Áður en vinnan hófst fengu nemendur fræðslu um áhrif plastmengunar í sjó á fjölda lífvera. Einnig sýndi Catharine myndir af fleiri verkum sem hún hefur unnið í sama þema. Nemendur saumuðu plastbúta á efni sem verður hluti af þessari stóru veggmynd.
Heimsóknin var virkilega áhuga hvetjandi og skemmtilegt fyrir nemendur að fá að taka þátt í gerð svona risastórs listaverks. Hér er slóð á heimasíðu Catharine þar sem fræðast má um hana: katowens.com
