Á fundi umhverfisnefndar Glerárskóla nú í morgun var vel tekið á móti nýjum meðlimum en í nefndinni sitja fulltrúar allra árganga skólans, frá fyrsta bekk upp í þann tíunda.
Umhverfisnefndin er mikilvæg í starfsemi skólans en hún leggur meðal annars línurnar hvað varðar áherslur Glerárskóla í umhverfismálum.
Á fundinum sköpuðust líflegar umræður um umhverfið, endurvinnslu og náttúruna. Nefndarmenn voru einhuga um þau þrjú markmið sem unnið verður eftir nú í vetur en þau eru að auka og auka endurvinnslu og flokkun, efla lýðheilsu og minnka neyslu og draga úr úrgangi.