Umhverfismál og umbúðir

Í Glerárskóla leggjum við áherslu á ábyrgð hvers og eins á eigin umbúðum og tekin hefur verið ákvörðun um það að nemendur fari heim með allar umbúðir af sínu nesti. Í þessu sambandi er mjög mikilvægt að þessar umbúðir fari á réttan stað þegar heim er komið.
Við leggjum til að nemendur hafi með sér box undir nesti og í þetta box geti þeir þá sett umbúðir ef einhverjar eru. Það er mikilvægt að nestið sé þannig útbúið að auðvelt sé að ganga frá umbúðunum. Skólinn veitir fræðslu um umhverfismál og leggur m.a. áherslu á að nemendur velti fyrir sér notkun umbúða. Því minna sem við notum af einnota umbúðum, því betra.
Í skólanum er boðið upp á mjólkur- og ávaxtaáskrift og við hvetjum nemendur okkar til þess að drekka vatn.