Umhverfis- og loftslangsmál skipta okkur afar miklu máli eins og dæmin sanna. Við þurfum að temja okkur nýja hugsun á mörgum sviðum og það er ekki síst unga fólksins að móta tillögur og gera grunn að betra og umhverfisvænna lífi og samfélagi.
Í Glerárskóla er starfrækt umhverfisnefnd sem tekur á ýmsu sem varðar þennan málaflokk. Í vikunni nýtti nefndin sér fjarfundatæknina fundaði með Hildi Þórbjörgu Ármannsdóttur, umhverfis- og mannvistamannfræðingi sem býr og starfar í Stokkhólmi en nemendur skólans tengdust Hildi Þórbjörgu bæði frá Glerárskóla og Rósinborg, þar sem kennsla á unglingastigi fer fram.
Hildur fræddi nemendurna um hnattrænt jafnrétti og ábyrgð okkar sem neytenda m.t.t. mengunar og förgunar á t.d. rafmagnstækjum, fatnaði og málmum. Einnig var rætt um hvernig ríki eru flokkuð í rík og fátæk og mun milli ríkja varðandi bólusetningar vegna covid, og ábyrgð ríkari landa gagnvart þeim sem fátækari eru.
Nefndarmenn sýndu málinu mikinn áhuga og fara með umtalsverða þekkingu í sina bekki þar sem þeirra hlutverk er m.a. að uppfræða bekkjarfélaga sína.