Lýðheilsa, umhverfismál og samhengi hlutanna skipta okkur sífellt meira máli. Sú staðreynd er sláandi að þriðjungi af matvælaframleiðslu heimsins skuli vera hent. Það er umhugsunarvert að verslanir þurfi að farga góðri matvöru þótt hún sé lítillega útlitsgölluð eða sé farin að láta smávægilega á sjá.
Nemendur Glerárskóla velta þessum málum fyrir sér með kennurum sínum og í dag fékk hópur þeirra matarsendingu úr verslun hér í bæ. Um var að ræða ávexti sem ekki þóttu söluvænlegir og átti því að henda.
Krakkarnir tóku sig til, skáru þá í birta og útbjuggu vítamínríka þeytinga úr þessum hráefnum sem smökkuðust hreint dásamlega.
Með því að nýta matvæli með opnum huga og á fjölbreyttan hátt er auðvelt að sporna gegn matarsóun og njóta þess sem gott er.