Það skein á rauðar skotthúfur!

Það var aldeilis jólalegt um að litast hjá okkur í Glerárskóla í dag á árlegum jólahúfudegi nemendafélagsins. Rauðu skotthúfurnar voru bjartar og fallegar á flestum kollum í dag, stórum sem smáum. Andrúmsloftið var afslappað og jólaskapið var ekki langt undan, enda vita allir að fyrsti jólasveinninn kemur til byggða eftir háttatíma í kvöld og því verður gaman að vakna í fyrramálið.