Kennarar Glerárskóla skemmtu sér sannarlega í gær þegar þeir settust á skólabekk í stað þess að sitja hefðbundinn kennarafund.
Hópurinn fór í Miðstöð skólaþróunar við Háskólann á Akureyri og kynnti sér margvísleg forritunarverkefni og þrautir fyrir grunnskólanemendur sem hafa kveikt áhuga margra til þess að taka fyrstu skrefin inn í töfraheim tækninnar.
Auðvitað fengu allir að prófa og áhuginn leyndi sér ekki. Þetta var skemmtilegur fundur sem undirstrikaði það sem við öll vitum að það er leikur að læra!