Það er heldur betur gott að eiga góða að. Vinir okkar í körfuknattleiksdeild Þórs komu í heimsókn í Glerárskóla á dögunum með fullan stóran poka af reynslumiklum boltum. Þetta eru boltar sem notaðir hafa verið á æfingum félagsins en viku nýlega fyrir nýjum boltum sem vonandi koma til okkar í fyllingu tímans.
Í augum nemenda skólans eru boltarnir virði þyngdar sinnar í gulli og vel það. Þeim þykir heldur ekki ónýtt að leika sér í körfubolta í frímínútum með boltum sem fyrirmyndir þeirra hjá Þór hafa notað.
Takk fyrir okkur!