Krakkarnir í fimmta bekk brugðu sér af bæ um daginn. Þau tóku sér far með strætisvagninum og ferðalagið var kúrs í “Strætóskólanum”. Nemendurnir skoðuðu leiðartöflu strætó, skipulögðu ferðina fundu út brottfarar- og komutíma og unnu margvísleg verkefni meðan á ferðinni stóð.
Annar hópurinn fór í menningarferð á Amtsbókasafnið, eins og sjá má á meðfylgjandi myndum, hinn hó. Verkefni á borð við þetta eykur færni krakkana á fjölmörgum sviðum, stuðlar að samvinnu og styrkir vinabönd.
Hér má sjá dæmi um það sem krakkarnir tóku saman um þetta verkefni:
- Við tókum þátt í Strætóskólanum. Okkur finnst það gaman en smá erfitt.
- Við lærðum heilan helling.
- Okkur fannst verkefnið ganga vel.
- Við höldum að við höfum gert allt vel en ekki betur.
- Hópnum gekk vel að vinna saman.
- Það var ekki erfitt en það var pínu erfitt að halda hópnum að sínu verkefni en annars var þetta skemmtilegt.
- Já strætó er góð þjónusta sem hjálpar fólki að rata á staðinn og minnkar mengun og það þarf ekki að borga fyrir strætó.
- Þegar maður er í strætó þá á maður að fara eftir reglum, sitja í sætunum ef það er laust, hafa fætur á gólfinu og hafa hendur og fætur hjá sér.
- Þegar gamalt fólk eða einhver með barn eiga erfitt með að standa þá á maður að leyfa þeim að fá sætið.
- Þegar þú ert í strætó þá á maður að hafa í huga að vera kurteis og ekki hafa hátt og leyfa öðrum að sitja með sér ef það er pláss.
- Við kunnum á strætó en ekki 100%.
- Það er mikilvægt að taka strætó og taka strætó í staðinn fyrir að fá skutl því að þá minnkum við koltvíoxíð fyrir jörðina=).
