Glerárskóli

Sími: 461 2666
Skrifstofan er opin virka daga á starfstíma skólans
frá 07:45 til 15:00
Í fríum nemenda er skrifstofan opin virka daga 10:00-12:00

Skóladagatal

Facebook síða Glerárskóla

Starfsemi Glerárskóla næstu daga – Haustfrí, viðtalsdagur og fleira

Nú er skólastarfið loksins að færast í nokkuð eðlilegt horf eftir einkennilega tíma. Staðan í dag er sú að smitaðir nemendur eru 20 og einn starfsmaður. Allir hópar eru komnir úr sóttkví og smám saman tínast þeir sem smituðust inn líka.

Hér eru nokkur atriði sem vert er að hafa í huga á næstunni:

1. Í næstu viku er haustfrí nemenda og kennara á mánudag og þriðjudag. Miðvikudagurinn er skipulagsdagur og nemendur því í fríi.

2. Fimmtudaginn 21. október er viðtalsdagur í skólanum. Þá koma nemendur og forráðamenn í skólann og hitta umsjónarkennara. Þeir sem enn eiga eftir að skrá tíma þurfa að hafa samband við umsjónarkennara strax í þessari viku. Þegar mætt er í viðtalið þarf að muna eftir grímunni og að spritta við innganginn í skólann.

3. Á viðtalsdegi ætla 10. bekkingar að selja sundpoka og skólapeysur til fjáröflunar fyrir skólaferðalagið sitt í vor. Endilega kíkið á þau og styrkið ferðasjóðinn.

4. Við bendum síðan á að á morgun, fimmtudaginn 7. október, verður rýmingaræfing í fyrstu kennslustund. Nemendur fara inn á útiskóm og í úlpum og síðan æfum við okkur í að rýma skólahúsnæðið. Látið ykkur því ekki bregða þó þið heyrið í brunabjöllunum.

Að lokum viljum við ítreka við ykkur, kæru forráðamenn, að senda nemendur ekki í skólann ef þeir sýna einkenni s.s. kvef, höfuðverk eða hita og fara strax með þau í skimun ef einhver slík einkenni koma í ljós.