Sonja og Guðrún, nemendur í 8. og 9. bekk, tóku þátt í söngkeppni félagsmiðstöðva Akureyrar með flutningi sínum á laginu Stay eftir Rihönnu og Ekko. Þær stóðu sig frábærlega og tryggðu sér sæti í NorðurOrg, söngkeppni félagsmiðstöðva á Norðurlandi, þar sem þær munu keppa fyrir hönd Himnaríkis. Keppnin fer fram á Sauðárkróki þann 14. mars næstkomandi. Gott gengi á Sauðárkróki getur tryggt þeim Sonju og Guðrúnu sæti í Söngkeppni Samfés sem fram fer í Laugardalshöllinni þann 3. maí.
Unglingar í 8.–10. bekk sem vilja koma með á NorðurOrg geta skráð sig í félagsmiðstöðinni Himnaríki.
Eftir að hafa borðað á sig gat í hádeginu þar sem saltkjöt og baunir voru í matinn, eins og hefð er fyrir á sprengidag eru nemendur komnir í vetrarfrí. Kennsla hefst samkvæmt stundaskrá mánudaginn 10. mars.
