Næstkomandi fimmtudag, 17. nóvember, er smiðjudagur í Glerárskóla. Smiðjudagur er nokkurskonar þemadagur og að þessu sinni er hann tileinkaður íslenskri tungu.
Í vikunni er Dagur íslenskrar tungu haldinn hátíðlegur (miðvikudagur 16. nóvember) og einnig er Norræna bókmenntavikan í gangi. Það er því tenging við smiðjudaginn okkar þar sem mikið er lagt í að efla íslensku í skólanum.
Smiðjudagurinn fer þannig fram að nemendur mæta í skólann kl. 8:15 líkt og venjulega en skóla lýkur kl. 13:15 (1. – 6. bekkur) og 13:20 (7. – 10. bekkur).
Skipulag dagsins verður í grófum dráttum eftirfarandi og munið að forráðamenn eru ætíð velkomnir í skólann.
Yngsta stig: Nemendum í 1. – 3. bekk er skipt í hópa þvert á árganga. Fimm stöðvar verða á stiginu þar sem unnið verður með söguna Draugagangur eftir Sigrúnu Eldjárn
Miðstig: Nemendum í 4. – 6. bekk er skipt upp í hópa þvert á árganga. Þrjár lotur verða á skóladeginum þar sem unnið verður með íslenska málshætti.
Unglingastig: Nemendum í 7. – 10. bekk verður skipt í hópa þvert á árganga. Sex stöðvar verða í gangi með spilum, leikjum og þrautum sem tengjast íslenskri tungu.
Allan nánari upplýsingar má fá hjá kennurum, ritara eða stjórnendum.
Kveðja frá stjórnendum Glerárskóla.