Starfsmenn Glerárskóla voru boðnir velkomnir til vinnu í morgun en nú eru allir mættir eftir sumarleyfi og lagstir á eitt við að undirbúa skólastarf vetrarins. Skólinn verður settur mánudaginn 24. ágúst 2020 í íþróttasal skólans.
Vegna aðstæðna í samfélaginu er forráðamönnum ekki boðið á setninguna að þessu sinni.
Skólasetningin sem verður sem hér segir:
2. til 4. bekkur kl. 9:00
5. til 7. bekkur kl. 10:00
8. til 10. bekkur kl. 11:00
Nemendur og forráðamenn 1. bekkjar verða boðaðir til viðtals þann 24. ágúst.
Að setningu lokinni fara nemendur með umsjónarkennurum í stofur og fá upplýsingar um skólastarfið.
Skólastarf hefst þriðjudaginn 25. ágúst 2020 samkvæmt stundaskrá.