Skólahald verður í öllum skólum bæjarins á morgun, fimmtudag 12.12.2019, samkvæmt dagskrá.
Veðrið virðist ganga hægar niður en spáð var og því hefur gengið hægar að hreinsa götur bæjarins. Framkvæmdamiðstöð reiknar með að moka fram á kvöld og hefja mokstur kl. 4 í fyrramálið. Veðurspáin hljóðar upp á 13-18 m/s og él og því má búast við að öll umferð gangi hægar fyrir sig en venjulega.
Engu að síður hefjum við leik í fyrramálið. Foreldrar meta að sjálfsögðu aðstæður og ef erfitt er að koma til skóla strax í fyrramálið sýnum við því skilning. Við óskum þó eindregið eftir að vera látin vita ef börnin komast ekki á venjubundnum tíma í skólann, svo við vitum af þeim á öruggum stað.