Fimmti bekkur í Glerárskóla á vinabekk í Hrafnagilsskóla. Þangað fóru krakkarnir á dögunum til að heilsa upp á vini sína, vera með þeim í skólanum einn dag og kynnast skólanum og lífi þeirra.
Heimsóknin gekk afar vel og vinaböndin voru styrkt. Þegar sól hækkar á lofti er von á krökkunum í Hrafnagilsskóla í heimsókn til vina sinna í Glerárskóla. Þá verða tengsl þessara nemenda efld enn frekar og þeim gefið tækifæri til að læra hvert af öðru.
