Nú er kominn nóvember, dagurinn er töluvert styttri en þegar skólinn hófst í haust og nú er myrkur þegar við förum í skólann.
Tíðin hefur verið góð í haust og fjöldi nemenda kemur á hjólum eða hlaupahjólum í skólann. Við höfum því miður tekið eftir því að of margir nemendur eru á ljóslausum hjólum og skjótast því um eins og dökkir skuggar í myrkrinu á leið sinni í skólann. Það skapar verulega hættu í umferðinni.
Forráðamenn nemenda eru því hvattir til að fara yfir reiðhjól og hlaupahjól barna sinna, sjá til þess að ljósabúnaður sé í lagi og að börnin noti endurskinsmerki, bæði þau sem hjóla og hin sem ganga.
Það er nauðsynlegt að sjást í myrkrinu!