Samvinna og samstarf

Við lærum mikið af samvinnu og samstarfi, bæði nemendur og kennarar. Í síðustu viku unnu nemendur skólans að verkum sem tengjast þjóðsögum og þjóðsagnaverum. Sótt var í sagnaheima frá Slóveníu, Litáen, Tyrklandi, Spáni og Íslandi. Margt skemmtilegt var brallað þessa daga og mörg listaverk litu dagsins ljós. Þessa dagana eru nokkrir kennarar skólans á samstarfs- og samráðsfundi kennara frá löndunum sem nefnd eru hér að ofan. Í farteskinu voru þau með myndband sem nemendur Glerárskóla unnu og sýnir vel vinnubrögð nemendanna á þemadögunum í síðustu viku.

Myndbandið má sjá hér.