Krakkarnir í öðrum bekk tóku ekki annað í mál en fara út og tína rusl á skólalóðinni í morgun eftir að þau höfðu lesið bókina um Rusladrekann og þau fengu aldeilis veðurblíðuna.
Á sama löbbuðu nemendur þriðja bekkjar upp á leiksvæðið ofan við háskólann. Þar fóru þau í margvíslega leiki klifruðu upp hjólabrettarampana. Þar bar það helst til tíðinda að skuggalegur hrafn neytti færis og hnuplaði samloku frá einum nemandanum og flaug með hana á brott. Krakkarnir eru vissir um að þetta hafi verði hrafninn sem býr með fjölskyldu sinni í Glerárgilinu.