Glerárskóli

Sími: 461 2666
Skrifstofan er opin virka daga á starfstíma skólans
frá 07:45 til 15:00
Í fríum nemenda er skrifstofan opin virka daga 10:00-12:00

Skóladagatal

Facebook síða Glerárskóla

Rafræn foreldraviðtöl í Glerárskóla

Vegna þeirra aðstæðna sem við búum nú við verður breyting á áður auglýstu skipulagi foreldraviðtala miðvikudaginn 21. október.

Nú verða ÖLL SAMTÖL RAFRÆN. Það þýðir að forráðamenn og nemendur mæta ekki í skólann heldur setjast við tölvuna/spjaldið/símann og spjalla við umsjónarkennara gegnum fjarfundarbúnað.
Skólinn notar Google Meet kerfið sem nýtt var á Covid19 tímum í vor og nemendur þekkja flestir vel. Netföng nemenda verða notuð í samtölin og munu forráðamenn og nemendur stimpla sig inn á þau netföng að fenginni slóð frá umsjónarkennara. Kerfið er einfalt í notkun og allar nánari upplýsingar verða sendar heim þegar nær dregur viðtalsdegi.

Við viljum minna alla á að skrá sig í viðtal við umsjónarkennara á InfoMentor.is en viðtalsdagur í Glerárskóla verður, eins og áður segir, miðvikudaginn 21. október n.k. og opnar kerfið fyrir alla í dag, fimmtudaginn 8. október 2020. Á viðtalsdaginn verða nemendur í fríi frá skóla að öllu öðru leyti en því að þeir eiga að vera með forráðamönnum í viðtölunum.