Foreldrum barna sem eru að hefja nám í 1. bekk grunnskóla stendur til boða að velja í hvaða skóla börn þeirra fara í samræmi við skólastefnu og fjölskyldustefnu Akureyrarbæjar.
Það er mikilvægt að foreldrar kynni sér starfsemi skólanna vel og hvað þeir hafa upp á að bjóða. Af því tilefni bjóða grunnskólarnir upp á „opið hús“ í febrúarmánuði og eru foreldrar hvattir til að nýta sér það.
Í Glerárskóla verður opið hús fimmtudaginn 18. febrúar 2016 kl. 9-11. Þá geta foreldrar kíkt í heimsókn til okkar og kynnt sér skólastarfið, allir eru velkomnir hvort sem þeir eru búnir að skrá börnin sín í skólann eða ekki. Einnig eru forráðamenn nemenda sem eru að koma nýir í skólann í aðra bekki hjartanlega velkomnir.
Hér er stutt kynning á helstu áherslum okkar í Glerárskóla.
Nú stendur yfir innritun í grunnskólana og foreldrar geta kynnt sér það frekar á heimasíðu skóladeildar Akureyrarbæjar