Nemendur sjöunda bekkjar mættu í matsalinn í morgun klukkan níu til þess að meðtaka andlega næringu og njóta upplesturs skólasystur sinnar, Tinnu Evudóttur úr áttunda bekk. Tilefnið var formlegt upphaf Stóru upplestrarkeppninnar og þar með hefjast upplestraræfingar nemenda í sjöundabekk. Eftir rúman mánuð verða, valdir þeir fulltrúar Glerárskóla sem taka þátt í lokakeppninni hér á Akureyri.
Við setninguna ræddi Eyrún Skúladóttir skólastjóri um mikilvægi lestrar fyrir lífið sem bíður þeirra og hvatti hún krakkana til mikilla dáða. Það verður gaman að fylgjast með upplestraræfingunum næstu vikurnar.