Um þessar mundir eru fjórir nemendur og tveir kennarar í „Job Shadowing“ ferð á vegum Erasmus+ í Kaupmannahöfn. Þar heimsækja þau Højdevangens grunnskólans og fylgjast með starfinu þar.
Krakkarnir, þau Guðbjörg, Alvilda, Lárus og Aron taka þátt í skólastarfinu, auk þess sem þau heimsækja söfn og menningarlega staði og skoða sig um kóngsins Kaupmannahöfn. Meðan krakkarnir eru í skólanum ytra fylgjast kennararnir þær Ása Sigurðardóttir og Elsa María Guðmundsdóttir með kollegum sínum ytra, kynna sér skólastarfið og koma heim með hugmyndir sem geta nýst okkur hér í Glerárskóla við að gera gott skólastarf enn betra.
Ferð eins og þessi eykur víðsýni og er ómetanleg reynsla, bæði fyrir kennara og nemendur.
Á myndinni má sjá krakkana fyrir utan Højdevangens grunnskólann í Kaupmannahöfn.