Í starfi okkar í Glerárskóla leggjum við til grundvallar uppeldisstefnu sem nefnist Jákvæður agi (e. Positive Discipline). Nú bjóðum við forráðamönnum nemenda í 1. – 4. bekk skólans á námskeið til að kynnast Jákvæðum aga og kenningunum sem aðferðin byggist á.
Námskeiðið verður dagana 20. og 27. febrúar milli klukkan 17:00 og 19:00 í stofu D1/D3.
Leiðbeinandi á námskeiðinu er Aníta Jónsdóttir en hún hefur haldið fjölda námskeiða um Jákvæðan aga. Við hvetjum alla til að skrá sig á námskeiðið sem við getum nú loksins haldið eftir nokkurra ára hlé.
Unnt er að skrá sig á námskeiðið með því að smella hér. Skráningu á námskeiðið lýkur fimmtudaginn 16. febrúar.