Fátt er betra en setja sér markmið til að ná árangri. Markmiðið eitt og sér dugar reyndar ekki, það þarf að vinna markvisst að markmiðinu og það gerðu krakkarnir í sjötta bekk síðustu vikurnar.
Í samvinnu við kennara sinn, Hönnu Rós Jónsdóttur, setti hvert og eitt þeirra sér markmið í lestri sem ætlunin var að ná í janúar.
Metnaður, keppnisskap og miklar æfingar, keyrðu krakkana áfram og svo fór að þau náðu öll markmiðum sínum og því var fagnað með kaffiveislu í síðastliðinn föstudag. Þar var líka gripið í spil og leikið sér, enda full ástæða til að fagna góðum árangri.
Áfram sjötti bekkur og áfram lestur!