Brekkan er brött, há og allt að því ógnvænleg þegar maður stendur fyrir neðan hana kappklæddur, er meira að segja í útibuxum og allt. Þá er ekki endilega auðvelt að kjaga alla leið upp, dragandi á eftir sér snjóþotu.
Krakkarnir í fyrsta bekk fóru hins vegar létt með að klífa Kiddabrekku í útikennslu um daginn, enda vissu þeir af umbuninni sem beið eftir erfiðið; þeysireið á snjóþotunni alla leið niður á jafnsléttu. Og svo var brekkan klifin að nýju.