Nú í vikunni tóku nemendur á miðstigi þátt í grunnskólamóti UFA sem fram fór í Boganum, líkt og undanfarin ár. Allir grunnskólarnir á Akureyri tóku þátt og fjórðu bekkingar riðu á vaðið á þriðjudaginn síðan tók fimmti bekkur við á miðvikudaginn, þá sjötti og í dag, föstudag, kepptu nemendur í sjöunda bekk sín á milli.
Mikið fjör var í Boganum, liðin lögðu mikið á sig og innan um mátti sjá efnilega keppendur, ef til vill íþróttastjörnur framtíðarinnar.