Kenningar eru uppi um að lífið hafi kviknað í flæðarmálinu og þroskast í hafinu áður en fyrstu dýrin skriðu á land. Það er mjög langt síðan þetta var en fjaran er enn þá jafn skemmtileg og heillandi.
Krakkarnir í fjórða bekk fóru í fjöruferð um daginn. Þau gengu niður í Sílabás sem oft hefur verið kölluð baðströnd Glerárhverfis. Þar skemmtu þeir sér við leik og störf – og eins og iðulega lærðu þau sitthvað nýtt með því að skoða og uppgötva.