Krakkarnir á miðstigi skemmtu sér ljómandi vel í gær þegar þeim var boðið að sjá sýninguna Lalli og töframaðurinn.
Uppákoman er hluti af verkefninu List fyrir alla en í verkinu segir af Lalla sem hefur starfað í leikhúsi um árabil. Einn daginn verður honum á í messunni þegar hann mætir klukkutíma of seint í vinnuna. Áhorfendur eru allir mættir en hann á enn eftir að undirbúa sviðið fyrir töfrasýningu dagsins. Krakkarnir fengu því ekki bara að upplifa töfrasýningu heldur einnig að skyggnast á bak við tjöldin við uppsetningu á töfrasýningu Lalla töframanns og upplifa alla þá leikhústöfra og þær uppákomur sem eiga sér stað í því ferli.