Fjórir nemendur Glerárskóla eru staddir í hafnarborginni Volos í Grikklandi ásamt tveimur kennurum. Þetta eru þær Kristjana Vera, Bergrós Ásta og Gunnella Rós nemendur úr 10. bekk og Eva sem er nemandi í 9. bekk.
Í Grikklandi hitta stúlkurnar krakka frá Danmörku, Ítalíu, Rúmeníu, Austurríki og Grikklandi. Þar vinna nemendurnir saman af margvíslegum verkefnum sem tengjast því sem skiptir okkur öll máli, nefnilega umhverfis- og loftlagsmálum. Vinna þeirra er hluti af stærra verkefnið sem ber heitið „Be a shield around the world“ og er eitt af fjölmörgum verkefnum innan Erasmus+ sem Glerárskóli hefur komið að.
Við erum þess fullviss að stúlkurnar fjórar munu koma heim reynslunni ríkari, því þátttaka í fjölþjóðlegri verkefnavinnu eykur skilning okkar á skoðunum og viðhorfi annarra og er sannarlega góður skóli.