Eins og komið hefur fram í fjölmiðlum hefur verið ákveðið að samkomubann verið sett hérlendis næstu fjórar vikurnar. Bannið tekur gildi á miðnætti á sunnudagskvöldið.
Framhalds- og háskólar sinna fjarkennslu meðan á samkomubanninu stendur en leik- og grunnskólar verða opnir en kennslan skilyrt, eins og kom fram í máli Menntamálaráðherra. Skilyrðin lúta einkum að fjölda nemenda í hverjum hópi. Menntamálaráðuneytið fól bæjar- og sveitarstjórnum að útfæra nánar hvernig staðið verður að kennslu grunnskóla næstu vikurnar.
Nemendur koma því í skólann á mánudagsmorguninn eins og venjulega. Nánari upplýsingar um kennslufyrirkomulag í Glerárskóla verða birtar hér um leið og þær liggja fyrir.