Nú í vikunni var alþjóðlegur baráttudagur gegn einelti. Krakkarnir á unglingastigi fengu þá hugmynd að umvefja skólann hlýju og einlægni. Það gerðu þeir á táknrænan hátt með því að taka saman höndum og mynda mannlega keðju sem náði umhverfis Rósenborg, þar sem kennsla á unglingastigi fer fram um þessar mundir.
Hilmar Friðjónsson kom með dróna og náði ljómandi fínum loftmyndum af kærleikskeðjunni sem sjá má hér.