Bekkjaráðin og stjórn Foreldrafélags Glerárskóla verða með hið árlega jólaföndur laugardaginn 2. desember frá kl. 11:00 – 13:00.
Boðið verður uppá fjölbreytt föndur fyrir alla fjölskylduna á D-gangi (gengið inn um íþróttahús).
Nemendur í 10. bekk verða með vöfflusölu til styrktar skólaferðalagi sínu í vor. Veitingarnar kosta einungis 700 kr. en frítt er fyrir leikskólabörn. Eingöngu er hægt að greiða með peningum eða Aur appinu.
Vonumst til að sem flest mæti og eigi notalega stund saman í aðdraganda jólanna.