Skrifað 29. 01 2025

Það er margt sem gleður augað á göngum Glerárskóla. Þar má sjá myndverk nemenda og margvísleg verkefni og kynningar sem krakkarnir hafa unnið að.
Við náttúrufræðistofuna er rekin lítil fréttastofa. Þar hanga uppi fréttir sem birst hafa í fjölmiðlum og tengjast náminu. Níundi bekkur er að læra heilmikið um bein og vöðva. Nemendurnir geta nú lesið sig til á fréttavegg náttúrufræðikennarans um íþróttameiðsl og hversu algeng þau eru.
Nemendur tíunda bekkjar eru að kynna sér erfðafræði og þá er gott að geta lesið á fréttaveggnum um Íslenska erfðagreiningu og hversu framarlega fyrirtækið stendur á heimsvísu.