Sýning með verkum nemenda í fyrsta bekk verður opnuð á Amtsbókasafninu á morgun, laugardaginn 6. apríl, kl. 12.00.
Í vetur lærðu krakkarnir ýmislegt um hulduverur og fóru í gönguferð með leiðsögn um Huldustíginn í Lystigarðinum en þar í nágrenninu búa margar verur sem flestum eru huldar.
Eftir fræðsluna máluðu börnin myndir af hulduverunum sem nú hanga uppi á veggjum Amtsbókasafnsins.
Á opnuninni verður gestum boðið upp á kaffi og léttar veitingar frá Sykurverki.