Síðasta vika var sannkölluð íþróttavika hjá nemendum okkar í 4.–7. bekk en þau tóku þátt í frjálsíþróttamóti á vegum Ungmennafélags Akureyrar þar sem keppt var við nemendur úr öðrum skólum á Akureyri. Keppt var í spretthlaupi, langstökki, boðhlaupi og reipitogi.
Mótið var bæði einstaklings- og liðakeppni. Nemendur í 4. bekk tóku þátt í sínu fyrsta móti og stóðu sig afar vel. Þau sigruðu liðakeppnina og ríkti mikil gleði í hópnum yfir þeim árangri. Nemendur í 5.-7. bekk náðu einnig góðum árangri í ýmsum greinum. Tíu efstu keppendurnir í hverri grein fengu viðurkenningarskjal og boð um að æfa frítt með UFA í einn mánuð.