Krakkarnir í öðrum bekk, hópi 3, slógu öðrum bekkjum skólans við í átakinu „Göngum í skólann“ sem lauk á dögunum. Krakkarnir komu gangandi, hjólandi eða á hlaupahjóli á nánast hverjum degi þær tvær vikur sem átakið stóð, eða í 96,3% tilvika.
Þessi góði árangur tryggði þeim Gullskóinn, farandverðlaunagrip Glerárskóla, sem árlega er veittur fyrir besta árangurinn í átakinu.
Á meðfylgjandi mynd eru nemendurnir duglegu og kennari þeirra, Esther G. Gestsdóttir. Smellið á myndinni til að sjá hana í fullri stærð.