Góða ferð og góða skemmtun

Krakkarnir í tíunda bekk lögðu af stað í langþráð skólaferðalag með kennurum sínum í morgun. Hópurinn hóf reyndar daginn í skólanum þar sem þau gæddu sér á „hollum og staðgóðum“ morgunverði, ostaslaufu og kleinuhring.
Það var greinileg spenna og eftirvænting hópnum þegar í rútuna var komið. Stefnan var sett á Go-kart brautina ofan Akureyrar þar sem spennandi kappakstur beið krakkana. Síðan var haldið á Sauðárkrók og þaðan á Bakkaflöt þar sem ævintýrin bíða þeirra næstu daga með margvíslegum áskorunum og þrautum.
Við segjum góða ferð og góða skemmtun og vitum reyndar að ferðin verður bæði góð og stórskemmtileg.