Glerárskóli sótti síðasliðið vor um að vera þátttakandi í Erasmus+ verkefni ásamt 6 öðrum löndum. Erasmus+ er verkefni á vegum Evrópusambandsins og var áður kallað Comeniusarverkefni. Svo skemmtilega vildi til að styrkumsóknin var samþykkt og erum við því að fara af stað með verkefni til tveggja ára sem nefnist: ,,United We Play, United We Win: Developing Social Skills and Inclusive Education through Sport and Outdoor Activities”
Löndin sem taka þátt með okkur eru: Ítalía, Spánn, Tyrkland, Rúmenía, Búlgaría og Litháen.
Í skólanum starfar stýrihópur sem heldur utan um framkvæmd verkefnisins og í honum sitja: Guðríður Sigurðardóttir verkefnisstjóri Erasmus+ verkefnisins, Helga Halldórsdóttir deildarstjóri, Björk Pálmadóttir kennari og Birna Baldursdóttir iðjuþjálfi.
Glæsilegur árangur hjá skólanum og verður gaman að vinna að verkefninu með nemendum, forráðamönnum og starfsfólki.
Á meðfylgjandi link má sjá frétt frá undirritun samningsins vegna styrksins.