Glerárskóli í ytra mati

Á hverju ári eru nokkrir grunnskólar (og raunar leik- og framhaldsskólar líka) metnir með ytra mati og þetta árið er það Glerárskóli. Matið felst meðal annars í því að matsaðilar frá Menntamálastofnun munu dvelja hér í skólanum dagana 9.-12. október og fara í vettvangsskoðanir í kennslustundir hjá öllum nemendum. Einnig taka  þeir rýniviðtöl við ýmsa hópa; starfsmenn, foreldra, nemendur og fulltrúa úr skólaráði. Þetta er samstarfsverkefni mennta- og menningarmálaráðuneytis og Sambands íslenskra sveitarfélaga. Frekari upplýsingar um matið verða sendar í pósti til forráðamanna.