Lýðræðislestin kom við í Glerárskóla í gær. Helga Einarsdóttir, verkefnastjóri hjá Alþingi Íslands kom í heimsókn til nemenda í 10. bekk og kynnt störf, tilhögun og skipulag Alþingis.
Nemendunum var skipt í fjóra stjórnmálaflokka og flokkunum í stjórn og stjórnarandstöðu. Krakkarnir þurftu að setja sig inn í stefnumál flokkanna sem þeir tilheyrðu og síðan var tekið til umræðu frumvarp til laga um herskyldu á Íslandi.
Umræðurnar voru ansi líflegar en þær fóru fram samkvæmt fundarsköpum Alþingis. Frumvarpið var ekki samþykkt.
