Vikan sem nú er að líða var sannkölluð íþróttavika hjá nemendum okkar á miðstigi. Þá kepptu bekkirnir í frjálsum íþróttum við nemendur í hinum skólunum hér á Akureyri. Keppt var í hlaupum, stökkum, spjótkasti og reiptogi.
Ungmennafélag Akureyrar skipulagði mótið sem var bæði einstaklings- og liðakeppni. Fimmti- og sjötti bekkur Glerárskóla lentu í þriðja sæti og tíu fremstu keppendurnir í hverri grein fengu verðlaun, boð um að æfa frjálsar íþróttir án endurgjalds í einn mánuð í sumar hjá UFA. Í þeim hópi voru þó nokkrir nemendur Glerárskóla.
Komandi helgi er löng því skólafrí er mánudaginn 20. maí, annan í hvítasunnu.