Síðdegis í gær, 24. maí, bárust okkur þær fréttir að ekki hefði náðst saman með tilboðsaðilum og Akureyrarbæ vegna útboðs í endurbyggingu á A-álmu Glerárskóla.
Því miður frestast þær framkvæmdir sem fyrirhugaðar voru og ekkert verður af flutningum í Rósenborg fyrir byrjun næsta skólaárs, eins og áætlað var. Enn er verið að vinna að því að fá framkvæmdaaðila í verkið en óvíst er hvenær það tekst.
Við munum því breyta um stefnu og gera ráð fyrir að öllum nemendum verði kennt hér í skólanum á komandi skólaári en látum að sjálfsögðu vita um leið og eitthvað breytist.