Í dag hófst umbúðalaus vika í Glerárskóla af því tilefni gaf Foreldrafélag skólans öllum nemendum vandaðan vatnsbrúsa að gjöf til að nota í skólanum. Umbúðalausa vikan var skipulögð af Umhverfisnefnd skólans en í henni eiga sæti fulltrúar nemenda úr öllum bekkjum skólans.
Markmið umbúðalausu vikunnar er meðal annars að vekja nemendur til umhugsunar um umbúðaflóðið í samfélaginu og hvað hver og einn getur gert til þess að draga úr umbúðanotkun.
Umbúðalausa vikan samræmis Grænfána verkefninu sem skólinn er hluti af og er einnig í anda umhverfisstefnu skólans um að efla vitund nemenda og starfsmanna skólans um umhverfismál og vekja til umhugsunar um sameiginlega ábyrgð á umhverfinu.