Snjórinn getur verið dásamlegur. Yfir vetrartímann er bílaplan skólans hreinsað reglulega og göngustígar sömuleiðis. Snjónum ýtt í stóran hól sem hefur afar mikið aðdráttarafl. Það er hægt að leika sér endalaust á hólnum og nú hafa arkitektar og byggingameistarar framtíðarinnar hafist handa við að hanna og reisa nýtt íbúðahverfi í skjóli hólsins.
Önnur áberandi bygging er langt komin á svæðinu milli álma b og d. Vonandi tekst að ljúka byggingaframkvæmdum áður en það brestur á með sunnan roki og rigningu um helgina.
