Við þökkum fyrir blíðuna, sólskinið og hitann. Það getur reyndar verið pínu erfitt að ná einbeitingu yfir skólaverkefnunum í skólastofunni, jafnvel þótt allir gluggar séu opnir upp á gátt. Þá er bara eitt til ráða, að færa sig út.
Nemendur í fimmta bekk fóru með kennara sínum út í blíðuna og leystu flókin verkefni. Sumir nutu þess að vera í sólinni á meðan aðrir leituðu skjóls í skugganum þar hann var að finna.
