Starfsfólk Glerárskóla kom til starfa í vikubyrjun og undirbúningurinn fyrir skólaárið er hafinn. Þar til nemendur mæta er tíminn notaður til að skipuleggja vetrarstarfið, stilla saman strengi og sækja margvísleg námskeið sem miða að því að gera gott skólastarf enn betra.
Það verður gaman þegar krakkarnir fylla skólann af lífi og við þykjumst vita að meðal þeirra er spenningur fyrir því að mæta í skólann til þess að leika og læra.
Glerárskóli verður settur þriðjudaginn 22. ágúst. Kennsla hefst samkvæmt stundatöflu miðvikudaginn 23. ágúst.
Sjáumst!